Cè disto?

25.07.2020

Al segn de la crous

Dusch i sa fié al segn de la crous , agn chi che a no crei.In television vedhon spes fielo agn da atleti prima da scomenthé una gara , ma no sempre a se pensa a ce che a vol dì.

Crei , alora, che a vela la pena ricordhé le parole e i gesti del segn de la crous.

Le parole Le é sempre chile che a la dìt al Signour ai so apostoli daspuò la Resurethion e prima da dhì in paradhis: batesei tal gnon del Pare, del Fì e de lo Spirit Sant ( Mt. 28).

Par chiste parole, doperadhe agn al dì den cuoi par batesé, no le basté i prins thinc secoi de la Diesa par capì begn ce che le voleva dì veramente, savon però l’importantha che le à parcé che dhute le celebrathions e le bone preghiere cristiane le scomentha e le fenis così. E alora a sarà una bona rason par dile : grathie al batesem , al cristian col segn de la crous al riconos ogni volta al colegament col Signour e con la Santissima Trinité e no par forma , ma par sostantha.

I gesti : Ségnese con la man sul muso, sul cour e su le spàle a vol agn dì l’union che dhut quant nos avon , o dovarision avei, tra de nosaltre che sion ta la diesa.

Alé dhent che stì gesti i fé de corsa, probabilmente thentha pensei su pì de tant, ma se i é begn fath i ries a fiene sentì pì vesins al Signour e agn pì in pés dentre de nos.

Gino Redi

Il segno della croce

Tutti sanno fare il segno della croce , anche chi non crede.In televisione , ad esempio, vediamo spesso farlo anche da atleti prima di iniziare una gara.

Penso allora che valga la pena ricordare parole e gesti di cui è composto.

Le parole : Sono sempre le stesse consegnate da Gesù risorto ai discepoli prima di ascendere al Padre : battezzate nel nome del Padre, del Figlio e dello Spirito Santo ( Mt.28).

Tale formula, usata da sempre nella Chiesa per il battesimo, viene ripresa in ogni celebrazione cristiana.

Non sono bastati i primi cinque secoli della Chiesa per risolvere i dibattiti dottrinali circa la retta comprensione di queste parole che mai sono state cambiate.E allora , ci sarà una ragione importante per dirle.

Sappiamo , ad esempio, l’importanza che hanno perché le buone preghiere cristiane cominciano e finiscono così.Grazie al battesimo , il cristiano con il segno della croce riconosce il proprio collegamento con Dio.

I gesti : Fatti con la mano che tocca la fronte, il petto e le spalle vogliono , o dovrebbero , significare anche la comunione delle nostre intere persone con gli altri in chiesa. 

C’é gente che compie questi gesti di corsa, probabilmente senza pensarci su più di tanto, ma se fatti con sentimento riescono a metterci subito in sintonia con il Signore e a farci sentire più in pace dentro di noi. 

28.06.2020

Le famee in crisi

Una volta – agn ai me temps – in thimolian al papà al se ciameva pàre che, pensandoi begn , a l’aveva pì un valour biologico che afettivo. Un cuoi al gnon pàre vidha nos altre alé pasé de modha, come la fegura del pare de una volta, quanche pì che un pàre a l’ara un paron.

Lui a l’ara l’autorité in sciàsa e i fis i ara arlèves con l’obèdhientha e al réspiet , tant che quasi dusch i déseva del vuos a si pare e si oma.

Daspuò , già tài agns ’60, quanche i fis ià scomenthé a dì a scola de pì, a vérdese al mont par laoriers, contrares dai pres e dalle ” basse”, ià ciapé “vantath ” e ià metù in crisi l’autorité dei pàres.

Ma , in general , chi élo i pàres del di d’en cuoi ?

L’Istat ( Istituto de Statistica ) la dis che i pàres italians ié i pì veces d’Europa ; ià al prin fì vers i 35 agns, doi agns daspuò la medhia de chi altres Paeis europei.

Réspiet a una volta, i se interesa de pì dei so picioi, ma i laoriers de sciasa i continua a ése betant sule spale de le fémene, agn se le laora dhut al dì fora.

Agn la funthion de dus doi i genitori la stà cambiando : i semea poc securs, i àvares besuogn de tèrmens pi forth parcé vivon tan una societé che no la dhà sicurethe. Betagn i  à bésuogn da ése giudhès dai genitori che i vardhé i canais o che i dhea calche scheo par tiré in avant parcé che a manscia al laorier par i dovens, l’economia no la va, àdes alé rivé agn al covid e la politica no la trasmet tranquilité. E alora ognun a pensa par i so afari, no sion pi una comunité , ma un insieme de persone che le vartha nome la so sopraviventha.

A se fenis , alora, par avei dei modhiei de vita fora mesura, come al senso dei diriti sùbìt, pì che dei doveirs e chest al renth dificile par genitori e fis avei valours e modhi da fié in gradho da dhé risposte àle vere necesites de la vita che no le dovares ese nome chile de l’avei, ma agn chile del’ ése .

Gino Redi   

13.06.2020

Otimismo

Un vece cusin de mi pare una volta, quanche iò i aveva dhit, in italian che a voleva ottimismo al me à respondù che nol vedheva ciar, che arivion in temps balordhos e che lui non se sciateva pì.E le resté a vardhé par aria, destiré sula paledhana thentha pì parlé.

Se al dì d’en cuoi,  scoltando i so descors a se dhis a un che alé pesimista, al responth che alé realista parcé che vardhandose intorn alé poc da divertise. Se invethe a se dhis al contrare  a un altre che alé otimista, al responth che alé realista parcé che a besogna ciapé ce che a vegn : a lé le doe fathadhe de la stesa mèdhaia che a fé capì che al 

realismo, in font, alé al bon senso che dusch i crei da avei abastantha.

Ei scrit prima otimismo, ma pense ala sperantha.

Un cristian, quanche al pensa al’otimismo, al pensa ala sperantha che alé betant vesina al fedhe parcé che le nas dala stesa radis :la fedhe alé credhentha, la sperantha alé un desiderio. Ma la sperantha no l’à da ese nome desiderio, parcé che la sares fondadha nome su se stes, invethe al so fondament alé al Signour.Par capì l’importantha dela sperantha a basta pensé par esempio – a chi che , davant a una luongia e pericolousa malatia de un de sciasa , a un certo punto a se sent dì dal medec la frase clasica ” cauto ottimismo ” : a cambia del dùt la realté del malé e dei so familiari.

L’otimismo, alora, alé al contenitour dela sperantha che a so volta , aon dìt , alé un regal  del Signour da no spreché mei.

Gino Redi

8.6.2020

L’Italia dell’anagrafe 

Chi che a là a ce fié con ufithes de l’anagrafe o dele canoniche al se sarà acort che par i canais e le puldete da calche an alé torné de modha i gnons de na volta.

E alora begn tornes ai Francesco , Alessandro, Mattia , Andrea , Gabriele par i canais e a Sofia, Giulia, Aurora, Alice, Emma par le puldete, tant par ricordhé chi che a và de pì.

E chest a vol dì che stason parlando de gnons dela tradithion cristiana, adiritura del temp del Concilio de Trent (1545 – 1563 ) quanche a se ara ” obigies ” a seguì le so indicathions sui gnons da mete par al batesen.

Con la Rivoluthion Frantheisa (ultima part del mileséthent) a se à formé culture diverse che le à porté a gnons stravaganth come Ateo,  Anarchico, Ordigno, Scintilla e Abbasso .

Daspuò alé sté un mesedhon de gnons che i aveva a ce fié con ce che a sothedheva intorn de nos, pi che altre guere e politica : Adua, Macalé , Benito, Littorio, Galeazzo, Sciopero, Libero, Avvenire, Ribelle e Vittoria. Ma agn gnons de fiours : Rosa, Ortensia, Gigliola, Ginestra e Mughetta.

Par un periodho de temp alé sté de modha mète gnons de persone famouse talo sport, tal spetacol e tala modha : Armando, Noemi , Albano, Romina. A pareva, così fasendo, che pàres e màres i voles auguré un tin de fortuna in pì agn ai so fis.

A se stà redusendo invethe la tradhithion da tramandé i gnons dei parenth pi vesins – come pàre, màre e nonos – specialmente tal Centro Italia e tal Meridion.

A conclusion de stò descors a me vegn però da fié una considerathion : poc a importa al gnon che a se à, a importa invethe  portelo con onour duta la vita, e parcé no, agn daspuò.

Gino Redi 

31.05.2020

Parlando del doi de dugn 1946

A se sa che col referendum del 2 de dugn del ’46 la magiorantha dei talians a la sielt la Republica e che par chest i vuomes de Sciasa Savoia i a cognù pare via e i a podhù torné in Italia nòme dal dìes de novembre 2002.

In ocàsion del referendum tanta dhent a le dhudha a voté, ma a risulta che a sèe sté votathions poc ciare e con imbrois e che calche partito a l’epa porté agn i males al segio, pur da tiré l’ega al so molin.

Giornai de chel periodho i diseva agn che la Monarchiaa l’avares podhù continué se al re Vittorio Emanuele III, invethe da nigé al so mesedhon con Mussolini, a l’aves thedhù la so carica al fì, come a l’aveva fat Carlo Alberto tal 1849.

Un quoi vivon thentha nostalgia de la monarchia, però a me semea giust spende agn nome posce parole par l’ulten re Umberto II de Savoia.

Al nuof de mei del 1946 al principe Umberto – nasù tal 1904 – al deventa re agn se par poc, ma al faseva già la stèsa funthion dal dugn del 1944 come luogotenente general del Regno.

Umberto nol se a mei intrighé col fascismo, ma al sàveva benissimo al mel che a l’aveva fat e dal 1944 al 1946 a la dimostré in tante ocasions equilibrio, pathientha e capacites politiche.

E proprio par al so modho da èse tal referendum a la fat de manco da fié propaganda a so favour e a le sté in banda a speté i risultati. Daspuò a la cognù dì in esilio, ma prima a la liberé i militars dal giurament de fedelté al re e con chest gesto a la evité de secur un’altra guera tra italians.

Al rest de la so vita a la sempre vivù con gran dignité e respiet, lontan da l’Italia che a l’avares tant volù revedela almanco una volta prima da morì.

A le mort thèntha pi vedhela tal 1983 a Ginevra e alé sepelì ta l’Abazia de Altacomba in Francia, insieme a altres Savoia.

Chi che a la conosù personalmente i a dhit che a l’ara un vuon bravo e par begn e che par nos al sares sté un bon Capo de Stato.

Gino Redi.

23.05.2020

Poure da coronavirus

A chi che a sta in thité, in chis ultens meis ce i alo manscé de importante?

Then’altre tanta dhent a la vivù malamentre al stei saradha dentre sciasa, altres invethe de manco.  A depenth dàle abitudini, dàle persone avudhe intorn, dal tipo de laorier che a se faseva, da l’eté, da dolà che a se sta e agn dalo spathio avù par movese in pès da bel sol o in compagnia.

Ma un modho da sentì alé sté compagn par dush: a ne a manscé ce che alé resté fora de la porta de sciasa, a ne a manscé al mont.

Un mont che, tornes con mascherine e manethe su le strade e tai locai, avon subit scomenthé a vardhé con sospiet par poura che calchedhun a podhes fié del mel ala nostra salute no tegnendo cont de le racomandathions antivirus.Insoma, se sion metus come se chi altre i fos dush fora regola, da evité e nos i pi bravi da dèfende.

La realté però a ne a dimostré che nome poth no ià seguì le regole. La gran part dele altre persone invethe le a avù la nostra stèsa poura e alora a poc a poc aon capì che arivion dush tala stessa barca: nos come chi altre che però ié come nos , no pedho. Nos dush insieme, nos  che al coronavirus a ne a rendù pi deboi dentre, con un doman insicur dala politica al laorier, con pi de 30000 morth da bieisoi, con la sperantha che i nostres dovens i puosa avei pi certèthe tàl doman. 

E alora se sion saludhes con al calour de prima, magare con calchedhun aon agn bevù insieme un caffé, un cappuccino, e calche got de vin da asporto.

E intant che i bevivion a calche metro de distantha, aon agn capì che beve tai got de plastica a no pies no nome a nosaltre e che al temp che aon pasé isoles dentre sciasa alé ste nome provisorio.

E sion pares via contenth.

Gino Redi

16.05.2020

Insemenise da biei soi

No l’é un problema par chi che a sta a Thimolei, ma giusto par parlé de una realté del dì d’en quoi par chi che al sta ta le thitès.  Un sondagio american al dis che laoré da vi sciasa ( in ingleis smart working) al fenis par impegné in medhia tre ore de pì al dì, respiet al normal orario de vuot ore che a se fé tai ofithes e ta le fabriche. In pì i se a acort che tra chiste persone a crès al sciatif umour e la deprèsion.

Mesèdhando al post de laorier con la sciasa dolà che a se vif, a semea comodho parcé che no se a pì comandi e soci de laorie intorn, a se se mouf come che a se vol, a se può polsese quanche to vol e via disendo.

La realté la dimostra invethe che ta la magiòrantha de la dhent a crès al senso de responsabilité e par no avei rimorsi o poura da no rivé a fié ce che a toscia, la fenis par ese prèsoniera de sè stèsa.

No semea vero, ma a chèst proposet alé un modho da dhi che al dis una gran vereté : ” nesun paron alé pedho de se stes “. Al telefono ch’al sona, la mènestra che la bol, i cànais che i giugia in sciasa, un parent o un amic che i pasa a sciàtete o dhète alc e tante altre situations del genere che le capita proprio quanche no l’é nesun altre vi sciasa, alé ce che a basta par incoconète de nervoso e par fiète laoré malàmentre parcè  che oltre  ala pathientha to perth agn al fil del descors su ce che to sta fasendo.

A la fin no se – se sent né sul laorier, né vi sciasa  e no se sa mei prima tant che se podarà fié al dì e se fenìs par pensé che ” alara miei quanche alara pedho “.

Par le femene, che le è abithuadhe a fié un tin de dhut dentre e fora sciasa, no lé una novité e le se rasegna miei, ma par i vuomes abitues sul laorier a sentise sul laorier e basta – mentre fora al mont al va inavant con chi altre – responde al telefono de sciasa, déi da ment ai canais, atèndi al menestron che a nol vegna su proprio intant che la femena alé fora a fié speisa, no l’è un divertiment e tante volte a vegnares la vuoia da mandé sul mus i canais e da lasé che al menestron  che al vadha dolà che al vol.

Gino Redi

10.05.2020

La fiesta de la mama

Al dì d’en quoi a se vif pi de corsa de na volta e alora agn ése mares forse alé pi compliché parcé che a le femene ai toscia dividhese pi de na volta fra sciasa, fis, laorier, vuon e altres impegns personai. La maternité, però, no l’é pi dominadha da la cultura dei vuomes che – specialmente tai paeis – i voleva tagns fis : in part par ambithion e in part par avei pi forthe de laorier in sciasa.  Ades la maternité alé na scelta voludha d’acordho col vuon, e chest a no le poc. Tai ultens agns del secol pasé a se a tant parlé de la ” iberathion ” de le femene e tan chis descors alé fenidha agn la maternité che la vegniva  vivudha da calchedhuna come un intric par la so emancipathion social e la so cariera sul laorier. A lara una maniera un tin stramba e limitadha da consideré la maternité, parcé, se alé vero che la maternité la impegna, alé agn vero che alé la mare che la costruis la vita de le persone e chest alé al moto pi grant che nome una femena la può fié. A se a da dì che agn al vuon al contribuis a la vita e che par chest a se dovares pratende da lui pì impegn vi sciasa  lasando a la femena altre posibilites par therchese pi spathio sul laorier e ta la societé, in modo da podhei ése riconosudha come i vuomes. Naturalmente al dì d’en quoi alé un descors che al va begn, anthi le leggi de ades le permet permessi par problemi de famea agn ai vuomes. Però la natura a la rendù la femena pi adatta a la cura de la vita, dal prin moment che a le sté concepì un fi: a lo sent crese dentre de liei e con lui la stabilis una relathion posibile  nome a liei.  Un quoi, aon dit, la situathion alé cambiadha in miei agn par le femene, ma in veretè chest nol basta: a besogna  rivé a riconose al giust valour social de la maternité e de le femene, parce che la societé la scomentha e la fenìs con lour.

Bon vuot de mei a dhute le mame !

Gino Redi

*******************************************************************************************************************

******* articoli non recenti 

1 risposta a Cè disto?

  1. RdR scrive:

    sono s’accordo con Gino
    in questo momento abbiamo perso il senso del primo maggio

Lascia un commento